Daniel Ng

致地中海貧血兒童基金,

首先，我非常感謝基金會一直以來對我的支持。

我是Daniel，一名將近30歲的資深病友。我生於一個破碎冢庭，自小就無心向學，所以連我自己都有幻想過自己會讀咁多書。

當年在樹仁大學畢業後，誤打誤撞地入咗一行對知識要求十分高的行業，叫做公司秘書。雖然聽落好似同普通文員仔冇咩分别，但一個碩士學位，喺呢行黎講已經係一個基本要求。

三年前，了解到基金會有培訓資助，膽粗粗報了3家大學的碩士課程，理大、城大，公開大學。

我没有錢，只敢選擇最平的公開大學，學费9萬元，而城大同一課程學费需要21萬元。

在取得地貧基金資助後，我亦不辜負善長的期望，把三年的課程在兩年內完成，期間取得了兩次院長的嘉許狀。

三年後的今天，媽媽於去年遇上車禍，未能工作，弟弟長期失業，妹妹仍然在學。雖然人工已經較三年前大幅上升，但以一殘疾人士之力供養四口之家，我別無他法，只能夠拼命向上游。

我相信知識改變命運，所以決定再攻讀一個法律學士學位。幸得到基金會的幫助，大大減輕了我在進修路上的負擔。

在此，我想勉勵各位病友，雖然我哋唔好彩，一出世就未試過身體健康，但係我哋亦都好幸運，會係一個有完善醫療體系，有為我們而成立的基金會嘅香港。

人生太短，出手要更大。我哋嘅壽命可能比別人短，生活可能比別人困難，但既然地貧基金給予我們一個咁好嘅機會，何不好好善用他，學鍾意嘅嘢，做鍾意嘅事，搏盡、無悔，狠狠地活一次！

最後我希望感謝全香港的醫護，儘管人手不足，仍然盡心盡力照顧我們。

特別感謝聯合醫院的各位醫護人員，在我進修的路途上，一直配合！

致禮

資深病友

Daniel